يحكى انة كانت هناك امراة عجوز لديها جرتان تحمل كل واحدة منهما على طرف العصا التى تحملها على رقبتها
.احدى الجرتين كان بها كسر على جانبها بينما كانت الاخرى سليمة ودائما تحمل وتوصل الماء دون ان يتدفق منة شيئا فى نهاية الطريق الطويل من النهر الى منزل
العجوز .....
كانت الجرة المكسورة توصل نصف كمية الماء فقط :كان هذا حال العجوز لمدة عامين تعود يوميا الى بيتها وهى تحمل جرة ونصف مملوءين بالماء
وبالطبع كانت الجرة السليمة فخورة بكمالها لكن ظلت الجرة المكسورة بائسة وخجلة من عدم اتقانها وظيفتها وشعرت بالحزن لكونها تقدم نصف ماصنعت من اجلة
بعد مضى عامين من ادراكها لفشلها تحدثت الجرة المكسورة الى العجوز قرب جدول الماء :
انا خجلة من نفسى لان ذلك الكسر على جانبى جعل الماء يتسرب على طول طريق عودتك الى المنزل
"ابتسمت العجوز قائلة "
هل لاحظتى زهورا على الجانب الذى تمرين بة وليس على جانب الجرة الاخرى ؟!!
ذلك لاننى دائما كنت اعلم بفيضك للماء ,لذلك وضعت بذورا للازهار على الجانب الذى تمرين بة وكل يوم عند عودتنا كنت انت من يسقى هذة البذور ,
لمدة عامين كنت سعيدة واستمتع بقطف هذة الازهار الجميلة وتزيين طاولتى ...
لو لم تكونى كما أنتى عليه من حال ما كنت استطعت ان ارى هذا الجمال الذين يزين بيتى كل وقت
*********************************************************
الحكمة من القصة : تذكروا دائما أنه يمكن حتى إستغلال نقاط ضعفنا وتحويلها إلى قوة وطاقة أمل تزيد من نجاحنا ومن جمال اعمالنا
يارب القصة تعجبكم وتستفيدوا منها كلكم .. يا أجمل أصحاب وأعضاء فى عالم التفاؤل والسعادة
سامح الشامى ^_^
السلام عليكم ورحمة الله وبركاته
واضح ان كتير من الشباب أصدقائى وأحبابى عندهم أمتحانات الأيام دى ..
وبالمناسبة انا واحد منهم لأنى طالب فى كلية هندسة وعندى أمتحانات حاليا
النهاردة أتمنى أقدر أوصلكم وأوصل للطلبة جميعا رسالة شخصية منى بجد حاسس انها مفيدة لكل الطلبة وشايف فيها قيمة غالية ورؤية تشجيعية وتحفيزية كبيرة جدا ممكن تساعدنا للنجاح والسعادة بإذن الله
رسالتى هى : تفاءلوا بالمذاكرة .. أيوة تفاءلوا جدا حتى لو صعبة عليكم
1- أنت طوال وقت مذاكرتك بتنفذ أول أوامر رب العالمين : ( أقرأ)
يبقى تستاهل تتفاءل ولا لا أنك مثال لتطبيق كلام ربنا ؟؟
2- وكمان كل ما بيدخل عقلك معلومات جديدة من دراستك فقد زادت مكانتك عند رب العالمين
( فإنما يرفع الله الذين أوتو العلم درجات)
دة يدعوك للسعادة والتفاؤل بكل معلومة بتدخل عقلك ولا لا ؟؟
3- شارك الناس حياتك أثناء مذاكرتك .. قول لهم أخبارك لتكسب الدعاء لك بالنجاح دائما ...وإذا كان أحد زملاءك يحتاج مساعدة فى أى مادة حاول مساعدته ليساعدك الله فى الامتحان
(كان الله فى عون العبد ... ما كان العبد فى عون أخيه)
أرجوكم كمان تثقوا بعد ما تعرفوا الكلام دة كويس ان ربنا بيحبكم اوى وانتوا بتذاكروا ... وبيحب يشوفكم تنجحوا بعد مذاكرتكم .. يبقى أكيد هيساعدكم ويهديكم لمذاكرة كل جزء جاى فى الأمتحان حتى لو غير متوقع
بس المهم أنك تثق فيه .. اعمل اللى عليك وبس .. خليها على الله لأنك هتمتحن و وقت الامتحان هيعدى ... شئ عادى جدا هتخلص وتخرج وتكمل حياتك .. صدقونى محدش أنتهت حياته على أمتحان .. حياتك جوانبها كتييييير وعندك أمور تعيشها لسه كتير
صدقونى الأمتحانات شئ جميل لو قدرت تستمتع بيه فى أنك تستغله فى زيادة ثقتك فى الله ... تستثمر الأمتحان فى تأكيد حب الله ليك وتوفيقه ليك
خذوا بالأسباب .. ذاكروا كويس ونظموا جدول مذاكرتكم
وأجعلوا أوقات ترفيه بين أوقات المذاكرة عشان حياتكم تكون متزنة
خليكم واثقين ومتفاءلين خيرا أن الله معكم و ستنجحون بإذن الله جميعا
تذكر أن الله يقول : أنا عند ظن عبدى بى .. فليظن بي ما يشاء
فى النهاية أحب اقولكم أن الكلام دة عن تجربة شخصية فعلية واقعية .. أنا عملت كل اللى قلت عليه دة بجد وكنت عايش أحساس الثقة بالله والتفاؤل جدا قبل دخولى أول امتحاناتى فى مادة محركات الأحتراق الداخلى
يوم الأثنين 7/6/210 يعنى أمبارح
وقلت أبشركم أن نتيجة كل دة .. أنى وجدت أمتحان بسيط جدا .. وسبحان الله أنا لم اكمل مذاكرة كل أجزاء المنهج تقريبا تركت 3 أجزاء من 8
وجاء كل ما ذاكرته فى الأمتحان و الأجزاء التى لم اذاكرها جاء منها جزء بسيط جدا جدا فى الامتحان .. والحمدلله خرجت سعيد كعادتى بأستمرار حياتى وتوفيق ربنا ليا .. وقررت أوصلكم البشرى الحلوة دى وأشجعكم على التفاؤل والسعادة فى كل لحظة من حياتك حتى اثناء المذاكرة
مع تمنياتى لكم دائما بالنجاح والتوفيق فى كل أمور حياتكم والسعادة فى كل لحظة
سامح الشامى
( زعيم المتفاءلين ) وهذا اللقب أعتز به جدا
^_^
